Skip to Content

Fortíðarhyggja eða framtíðarsýn. Sjálfbært byggðarmynstur í íslensku þéttbýli.

Er vistvænt skipulag eitthvað öðruvísi en venjulegt skipulag?
Hvaða tækifæri felast í endurhönnun og þróun þéttbýlis þar sem síauknar áherslur er á umhverfisþætti í almennri skipulagsgerð?


Hægt verður að leita svara við þessum spurningum og fjölmörgum öðrum á ráðstefnu Vistbyggðarráðs og Skipulagsfræðingafélags Íslands sem haldin verður þann 16. maí næstkomandi frá kl. 8:30-12:30
Ráðstefnan ber yfirskriftina, Fortíðarhyggja eða framtíðarsýn. Sjálfbært byggðarmynstur í  íslensku þéttbýli. Á ráðstefnunni verður sérstaklega fjallað um vistvænt skipulag með áherslu á endurhönnun og þróun byggðar í þéttbýli. Reynt verður að varpa ljósi á það hvað það er sem gerir skipulag vistvænt í íslensku samhengi og hvaða tækifæri felist í vistvænni þróun þéttbýlis. Af því tilefni verður reynt að höfða til framkvæmdaaðila, hvort sem það eru sveitarfélög, ríkisstofnanir eða þróunar- og verktakafyrirtæki á einkamarkaði.
Það eru Vistbyggðarráð og  Skipulagsfræðingafélag Íslands sem standa fyrir ráðstefnunni, Fortíðarhyggja eða framtíðarsýn, sjálfbært byggðamynstur í þéttbýli,  sem haldin verður á Nauthól frá kl. 8:30-12:30, fimmtudaginn 16. maí 2013.

 

Aðalfyrirlesari ráðstefnunnar er sænski arkitektinn og  borgarhönnuðurinn Klas Tham sem var einn af aðalhönnuðum og verkefnisstjóri BoO1 hverfisins í Malmö í Svíþjóð, vistvæntu hverfi á endurgerðu hafnasvæði sem hlotið hefur athygli víða um heim. Einnig mun Hjálmar Sveinsson fjalla um endurhönnun hafnarsvæðisins í Reykjavík. Guðrún Ingvarsdóttir arkitekt og verkefnisstjóri þróunarverkefna hjá Búseta mun kynna ýmis verkefni sem þau eru að vinna að og þá mun Salvör Jónsdóttir skipulagsfræingur fjalla um borgarbúskap á 21. öld. Einnig veður kynntur bæklingur sem starfshópur á vegum VBR hefur verið að vinna í tengslum við þróun viðmiða um vistvænt skipulag, og unnið hefur verið að með styrk frá Umhverfisráðuneytinu.

DAGSKRÁ

SKRÁNING

Ath lokað verður fyrir skráningu kl. 15:00, miðvikudaginn 15. maí.